Колония евреев из Восточной Европы во Франции в период между двумя мировыми войнами: некоторые аспекты повседневной жизни
Лекция- История
Der mizrekh-eyropeisher yidisher yishev in Frankraykh tsvishn beyde velt-milkhomes: etlekhe oyszikhtn in tog-teglekhn lebn
Лекция на идише
דער מיזרח־אײראָפּעישער ייִדישער ייִשובֿ אין פֿראַנקרײַך
צװישן בײדע װעלט־מלחמות
עטלעכע אױסזיכטן אין טאָג־טעגלעכן לעבן
לעקציע אויף ייִדיש
פּלאַץ: ייִדישער קהילה־צענטער פֿון סאַנקט־פּעטערבורג
טעמע: געשיכטע
לעקטאָר׃ שמואל בונים, משמר הנגב, ישׂראל
דאַטע פֿון דער לעקציע: 12.04.13
דאַטע פֿון דער פּובליקאַציע: 12.04.13
שמואל בונים איז געבוירן געוואָרן אין בעלגיע אין 1928 אין דער משפּחה פֿון עמיגראַנטן. זײַן טאַטע שטאַמט פֿון פּינסק און זײַן מאַמע פֿון ביאַליסטאָקער געגנט. די משפּחה איז געווען אַ ציוניסטישע. שמואל האָט זיך געלערנט ייִדיש אין בונדישער צוגאָב־שול און העברעיִש בײַ דער מאַמען, אַ געוועזענער לערערין אין "תרבות". די משפּחה האָט דורכגעלעבט די שואה אין בעלגיע. דער טאַטע און אַ טייל פֿון דער משפּחה זײַנען אומגעקומען אין אוישוויץ. במשך דער אָקופּאַציע איז שמואל טעטיק געווען אין אַן אומלעגאַלער ציוניסטישער יוגנט־אָרגאַניזאַציע. אין 1945 האָט ער עולה געווען קיין ארץ־ישׂראל. אין 1946 האָט ער זיך באַטייליקט אין דער גרינדונג פֿון קיבוץ משמר הנגב, און איז זײַן מיטגליד ביז הײַנט צו טאָג. שמואל בונים האָט גענומען אַן אָנטייל אין באַפֿרײַונגס־מלחמה אין די רייען פֿון פּלמ"ח, איז געוואָרן רעזערווירט פֿון צבא הגנה לישראל ביז 1982. שמואל בונים האָט געאַרבעט ווי אַ פּאַסטעך און ,שפּעטער ,ווי אַ גערטנער. צווישן 1995-2006 האָט ער שטודירט אין פּאַריזער סאָרבאָנע און באַקומען אַ דאָקטאָראַט אין געשיכטע. שמואל בונים האָט דרײַ קינדער, צוועלף אייניקלעך און פֿיר אור־אייניקלעך